كلمات أنا القانون

أنا القانون منظومة من الجنون
تناسب التناسب بالنسبة لي إيه يكون!

أنا بحسبك فاهمني لما كنت بفتكس
معايا مش مهم تتنصّر أو تنتكس

هرص حكمة تتقسم لألف حكمة جد
هكسر أي سد .. لو طموحي يتوجد

ينطرد من الوجود .. ينكتب له نعي
فاكس لأي فن مختزل في سعي

متلومش إلا نفسك لو اتنازلت
و أنت مازلت .. عارف إنك نظيف لكن اتبذلت

اختزلت ... طريق من النقاء الأبدي
سور أتبني من حواجز الضياع الأزلي

عارف طريقي من سنين بشق فيه بإيديا
مش هتخلف مبادئي مهما كانت القضية

متعة المسيرة هي .. سر الاستمرارية
مش بلعب دور العاجز و لا بلعب دور الضحية

بايع نفسك للي بيدفع اكتر و يخليك متكيف
ضايع كده ورا وهم مسيطر و الإحباط على طول متسيف

أنا ليدر سياق السفينه على كيفي
أهلا بيك لو مقتنع إنك مجرد ضيفي

أنا مش عبد الناس أنا اللي بملك الإحساس
إنت مش دافع أجرة و أنا سواق الميكروباص

لو مواقف تتساق لازِم تبقي المسخ
اسرق أفكار و طور و لا خدها نسخ

هدفي الرئيسي في كل وقت إني مجرد استمخ
متحاسبنيش حسبه إني أكمل ولا أنخ

أطخ الروتينية و الأغاني العاطفية
أطخ المنتجين اللي اتحكموا فيك و فيا

و أنا من أمتي ملاك دي دماغي هي الشباك
اللي مخليني هارش حقايق المنطق الفتاك

صراع هلامي بين مزاجي و بين المغريات
وبنتقد وجوب وجودي وسط عالم الغايات

لأن خصمي هو اسمي نقر في كل جسمي
بحس فجأة من كلامي إني لسعت رسمي

بايع نفسك للي بيدفع اكتر و يخليك متكيف
ضايع كده ورا وهم مسيطر و الإحباط على طول متسيف