كلمات ابن البحر Ebn Elb7r
يا موج البحر غني على الشط موال
ويا غيم بدل حرقة شمس الظهر بظلال
قدامي سماء وماء وطيور ونسمة هواء
جوايا كلام كثير وتعبان ومفيش دواء
البحر ملوش امان غدار ملوش أي ضمان
ساعة هادي ساعة جنان طوفانه يغرق بلدان
البحر ملوش أمان غدار ملوش أي ضمان لو قبطان خبير في الاتزان هيميل ف لحظة خذلان
انا جي بسفينتي مسافر لمكان بعيد
محروم من اهلي , معاك انا بقيت وحيد
انا ليا سؤال بالله تجاوبني عليه
اهلي تمام فاكريني ناسيني ولا ايه
بحلم أخبط أقول وصل اللي غاب
يا يمه قوليلي بس هوا فين الباب
بسم الله مجراها وبسم الله مرساها
يارب بدل حالي بين الليلة وضحاها
الغربة والله مرة والأيام دي مش هنساها
ابن البحر وده نصيبي وعلى الله هو يتولاها
البحر ملوش امان غدار ملوش أي ضمان
ساعة هادي ساعة جنان طوفانه يغرق بلدان
البحر ملوش أمان غدار ملوش أي ضمان
لو قبطان خبير في الاتزان هيميل ف لحظة خذلان
انا جتلك اهو يا بحر انا عايز طبطبة
قاعد بشكيلك بحكيلك حياتي كلها كئابة
موجك حافظني وعارف آهاتي
جوايا حنين وشوق مضعف ثباتي
أنا زي كثير حياتهم بالبحر فنوا
تجري الرياح بما لا تشتهي السفن