كلمات لا تلوميني

قليلي كيفك اسمي لساتو بذاكرتك؟
كيفك من بعدي يا ترى كيف مرق وقتك
مو القدر بعدنا لا ، بعدنا الطمع
كنتي الي أحلى قصة و بلحظة كلشي انقطع

عيوني ما بكيت عفراقك بالعكس فرحتلك
ما عاد خطرتي عبالي ولا حتى اشتقتلك
لا أنا كذاب و كل يوم بتخيل طيفك
استنيني بالمنام رح كون أنا ضيفك

بكل شارع عم شوفك حتى عم شوفك بحالي
شي طبيعي ما تفارقيني لأنك كنتيلي خيالي
تركتيني لحالي ، مو أنا كنت الـ غالي ؟
طلعتي لبرا قلبي ، طيب كيف طلعك من بالي ؟

سمي أبنك عأسمي شوفيه و تألمي
شوفيني بعيونو و منو الوفا تعلمي
علميه ياخد صفاتي و يكون عندو مبدأ
لما تعيشي مكسورة رح يكون إلك ملجأ

أنتي عدّي بالوقت و أنا بعد بالسجاير
هه مالي حاير ، و مالي متلك ناكر
بحربك الأولى ربحتي و بالتانية خلصوا الذخاير
(بالتانية خصلوا الذخاير)

بعرف انو كلامي جرحك بعرف كيف انزعلك فرحك
بعرف كذبك و بعرف صدقك و بعرف انو سهمي دبحك
مشتاقة تشوفيني بصورة بعرف مشتاقة و مجبورة
شافوني ناسي شخص تاني مش ناسي ذكرى محفورة

رميتي ع كتفي جبال و رحتي ، طمنيني هيك رتحتي ؟
اخترتي تعيشي مع بديل و كلشي حلو معي مسحتي
فـ لا تلوميني لو ذليتك و عبوابي أنا رديتك
الحق عليي كلشي عطيتيك كان لازم من وقتا رميتك

جروحي الي عم داويها وحدك أنتي الـ سببتيها
مشاعري اتجاهك ماتت و جاية اليوم  ارثيها
حلفتي بعيوني و اليوم كرهت شوفك فيها
دموعك نزلوا ع عيونك ؟  خليه هو الي يمحيها