كلمات موغادور

"شكون ما يبغيك أ موكادور
كلشي فيك زوين أ موكادور
بيبانك ديما مفتوحة
وهواك عندي غالي
حاميك ربي الكريم ربي العالي

فيوم الجمعة و يوم السبت
عيني شافت ناس ملاح
نجيهم أنا إلا ضقت
و قلبي را يزيد يرتاح
أسوار تحكي حكايتنا ولاد فالشدة غابو
و بحورك هاجت و خيوط عالية رابو

شكون ما يبغيك أ موكادور
كلشي فيك زوين أ موكادور
بيبانك ديما مفتوحة
وهواك عندي غالي
حاميك ربي الكريم ربي العالي

هاهوما جاو من باب دكالة واهايي
جاو النسا و جاو الرجالة واهايي
وا ها البوهالي بو دربالة واهايي
وا ها الكناوي داير حالة واهايي
فباب السبع لقا الحبيب حبيبتو
نور عينيها لمع و بيه ضوا ليلتو

شكون ما يبغيك أ موكادور
كلشي فيك زوين أ موكادور
بيبانك ديما مفتوحة
وهواك عندي غالي
حاميك ربي الكريم ربي العالي"