كلمات Eyad_808 // Al7elem Basit // الحلم بسيط

ما خايف من المستقبل قد مو خايف من المصير
كل يوم بفكر اتراجع وما كمل هلطريق
بس برجع بستوعب باني ما انخلقت لهالشي
وما بقدر علروتين وحياة الدراويش

وضلني ماشي الحيط الحيط وياربي الجاكيت
بدي امشي فوق الحيط ودخنلي باكيت
وسافر من بلد لبلد كل ما زهقت ومليت
وعيش من دون انترنيت من ورا الانترنيت

غير حياتي كمل مخطتاتي
وكون حافر بير اذا خلصو مياتي
وتصير مشاكل تيابي وسياراتي
شو بدي اركب بكرا بورش او بوغاتي

أحلامي أكبر مني لاني اصغر من العشتو
والهدف قريب عليي بما اني صممتو
اسئل يللي قلتو اني ما بعمري خذلتو
وابقا سلم على الحظ وقللو اني شفتو

حتى اللي بفترة كان غالي اجت فترة وصار رخيص
فمافي داعي فكر شو نتيجة هلتخبيص
عندي أفكار بتمليرني لو اعرضها عأبليس
قد مالي اكل خرا رح افتح شركة صهاريج

وهلراس في افكار معبابة من يئس وبئس
وكل ما بزيد البعص بزيد لقائمتي درس
وبعد البحث علملح مابقي جرح للكبس
كملت كلشي كان بقلبي بس ما كملت النقص

اتعلمت احكي بلدرس بس ما احكي علدرس
وما اتعودت علصدق حتى جربت الكذب
فكذبت بصدق والسبب اني صدقت
وما اقتنعت من اي حدا لحتى جربت

هي العالم متل ما بعضا لا تستنا يفكرو فيك
كل ما حدا منن شافك ناجح بفكر يئذيك
فمافي داعي تكفي الخير لانو الخير ما بكفيك
اللي ما ييقدر يحمي حالو منك هو اللي حيحميك

مو ضروري تخلي الكل حتى لو كللو بخليك
كللو بدو ياخد منك بس مو كللو رح يعطيك
مارح تقدر تكوي جرحك طول ماهو عم يكويك
مو شرط بس الدوا هو اللي يقدر يداويك

كبرت سنين وياريت لو ضللو هلحلم بسيط
كل ماعم اكبر المشاكل عم تزيد
بتمنى تبقو بس بعرف طريقي بعيد
فلا تلوموني لما تشوفوني وحيد

من أنا وصغير اتعلمت اني اخد حقي بلإيد
صدقت وبعرف انو حكين مو أكيد
الزمن بينلي مين الأصلي والتقليد
حرقنا المضى منبدا من اول وجديد

كبرت سنين وياريت لو ضللو هلحلم بسيط
كل ماعم اكبر المشاكل عم تزيد
بتمنى تبقو بس بعرف طريقي بعيد
فلا تلوموني لما تشوفوني وحيد

من أنا وصغير اتعلمت اني اخد حقي بلإيد
صدقت وبعرف انو حكين مو أكيد
الزمن بينلي مين الأصلي والتقليد
حرقنا المضى منبدا من اول وجديد