كلمات لاغيت أحاسيسى
لاغيت أحاسيسى ومشاعرى يا قلبى خلاص
وقولت يارتنى من بدرى ماليش إحساس
عشان سلمت يوم نفسى لحضن الناس
فاكر فى الحياه دى ملايكه طلعوا شيطان وسواس
بحسن النيه بتعامل بحب كبير
وده الشئ اللى طمعهم فى قلبى كتير
وكنت بقول ده شئ عادى مالوش تأثير
اتارى الغدر كان منهم ماشوفتش خير
وفى الاخر خسرت كتير وانا الغلطان
عشان عايش بطيبه وحب زى زمان
وفاكر اللى أنا بعامله أكيد إنسان
وادينى لسه بتعلم لكن ندمان
هراجع كل حساباتى بشكل جديد
واعلم على اللى باعوا قلبى بالتحديد
لادموعى ولا ندمى خلاص اكيد هيفيد
كفايه عليا بتعلم واهو برضه درس مفيد