كلمات شكراً SHOKRN

شكرا لكل حد شاف
وجعنا فين وداس عليه
ولكل لحظه إختلاف
ورتنا إحنا نساوى إيه
إتشافنا مش بس ضُعاف
إتشافنا ولا نسوى

ملحوقه لازم يجى يوم
ونفوق ونفهم الحياه
نقوم نقطع الهدوم
ونلاقى لينا طوق نجاه
لو كان ف فرح يوم يدوم
هتدوم لنا القسوة

دوقنا قساوة السنين
وكل جرح كان له طعم
من واحنا لسه صغيرين
وكنا للحياه دى طُعم
فوق النظر قليلين
م الخضه بنبلم

بنبص لبعض كل يوم
ف عنينا مليون اتهام
وكلام خلص ملهوش لزوم
مابين حلال وبين حرام
والشاطر اللى يقع يقوم
م الجرح يتعلم

وهو مين فينا داوى جرح
وهو مش جارحه
ووسط عتمه جه بفرح
وحسه كان فرحه
فى طبخه دايما ناقصه ملح
وطبخه مظبوطه

ماشين يوماتى نبتسم
جوانا ميت وجعه
مش شرط اللى يترسم
يتغطى بالدمعه
ما كل حاجة هتتحسم
وهى كام موته

دراعنا كام مرة إتلوى
ووجعنا موتنا
وكل مرة من الهوى
أحباب صحاب بيتنا
هما الوجع هما الدوا
وهما لمتنا

قلوبنا ولا حست شبع
بالعكس كانت فاضيه
وعملنا ليها بقى البدع
علشان تكون راضيه
لو من بعيد هتقول جشع
وبتبقى دى القاضيه