كلمات مجاناً

البدايات مش حلوه دي طلعت خدعة
في اول البدايات دي بتبقي لدعة
لدعة من بنج عشان متبقاش في الوعي
عشان متحسش ومتشوفش الجاي
2X
والنهايات ياصاحبي بيبقا فيه زرار
زرار وبيبقي مكتوب عليه اختيار
الاختيار الاول تبقا عايش في الماضي
والتاني تكمل حياتك وتخلي قلبك عادي

الحياة في الاول والاخر بتبقا اختيار
يا تختار تعيش حياتك يا تبقا في مرار
محدش يختار يخليك تبقا اي في حياته
عيش عادي في حياته او حتي في مماتوا

انت اللي في ايدك تخلي ماضيك فايز
وفي ايدك تخلي الحاضر كمان جايز
ومستقبلك ده تشكله بقا بمزاجك
وربك معاك مش هيبقا بس بدماغك

ركز في الكلام وبص لحياتك
مش كل الناس هتيجي في مماتك
رتبها كويس وسيبها علي الله
متقلقش وفوض امرك لِله

كنت عارف ان الاختيار غلط من الاول
ومحدش اجبرني علي اللي كنت فيه
ومكنش عقلي اللي اختار من الاول
وده في رقبتي وذنبي وعايش بيه

متنساش انه عارف انك مش بخير
ونت متستناش منه اي تبرير
انه مسألش ومبعتلكش او كلمك
مع الوقت صدقني كل ده هيعلمك

انت مش مجبر تقولو هو عمل اي
كل واحد عارف تصرفاته بتبقا اي
اللي ميبقاش عليك متبقاش عليه
ولو كويس هيغدر ملكش دعوه بيه

مش هقولك عيش لوحدك ومش مع حد
مهما قدمت السبت مش هتلاقي الحد
الطبع يغلب التطبع في كل البني ادمين
تقريبا انت الوحيد النضيف في الموجدين

لو دورت علي اللي يكمل نصك التاني
هتفضل طول حياتك انت اللي بتعاني
انت بس لو حبيت نفسك هتبقا كامل
او نصك التاني هيبقا لكله كده مجاني