كلمات قولو فيا وفيا ونمو عليا

مش العفاريت بس اللي بتخوف
النوايا لو ظهرت هتخوفك أكتر
الناس بقت وحشة أوي
حصريًا على موقع مهرجانات دوت كوم
أنا كنت نعمة كبيرة وإنتو ما حسيتوها
أيامي مهما عملتوا صعب تعوضوها
دولسي، دولسي برودكشن

آدم نزلنا بحور الدم عشان قطف التفاحة
والناس طول ما هي سامعة لإبليس مش هتعيش يوم مرتاحة
ناسيين الدين وبقينا وحشين وبنأذي بكل بجاحة
وده كله بيحصل لينا علشان ربنا غضبان بصراحة

إحنا في زمان بقى فيه الشمال أسلوب حياة
لأ وإحنا كنا مفكرينه إنه إتجاه
لما الحرام يصبح حلال، الخير منين نلقاه؟
عشق الفلوس خلى النفوس تغدر، يا حول الله

الخلق بتقبل على نفسها وبتاكل في حقوق غيرها
لأ وبتفتخر إنها مؤذية وعادي، في داهية ضميرها
معروفة إن القربة المخرومة بتخر على اللي يشيلها
بكرة الناس المظلومة حقها من كل ظالم هيجيلها

حسبي الله ونعمة الوكيل مش بس كلمة
معناها إني عامل توكيل لله يا ظلمة
داين تدان، بكرة اللي خان هيشوفها ضلمة
ده أنا كنت فعلاً في إمتحان وبقيت في نعمة

قولوا فيا وفيا ونموا عليا وهاتوا في سيرتي وجيبوا
مش حاجة جديدة عليكو، إذا كان كنتوا في بعضكو بتعيبوا
ربنا مش على كيف حد وكل واحد مكتوبله نصيبه
أنا سلمتها لله ومتأكد حقي أكيد هيجيبه

أنا كنت نعمة كبيرة وإنتو ما حسيتوها
أيامي مهما عملتوا صعب تعوضوها
جدعنتي مش بسهولة دلوقتي تلاقوها
الطيبة مش حاجة وحشة يا اللي إستغلتوها

أصعب حاجة في الدنيا لما يوحشك حد مات
في الوقت ده بتحس إن روحك إتدفنت معاه
الصبر من عندك يا رب
دولسي برودكشن

اللي إتمنيتهم من ربنا راحوا مني خلاص، فارقوني
أنساهم إزاي؟ ده أنا كل ما أغمض عيني في منامي بيجولي
على طول مهموم، ما بدوقش النوم والحزن باين في عيوني
اللي مصبرني إن الملكين دول ع الجنة هياخدوني

الحمد لله إني واقف على رجلي لسه
لو حد غيري زمانه كان دلوقتي جثة
رب العباد عالم بحالي، إداني فرصة
ده أنا خدت درس ما درسوش أستاذ في حصة

نفسي في فرحة تهون على قلبي عشان والله بموت
أحزاني قاتلاني، تعبان وبعاني، ده أنا من جوايا مكبوت
بضحك قدام الناس من غلبي، بحاول أعمل مبسوط
ومجرد ما أبقى لوحدي أنا بصرخ من غير صوت

نفسي في كفن أتلف فيه وأرتاح يا ربي
قلبي إتدفن، مين حس بيه؟ ما في حد جنبي
حنيتي كانت غلطتي والذنب ذنبي
ده أنا لو هجيب اللوم هجيبه عليك يا قلبي