كلمات البيزنس

لفت بينا بينا كتير المزيكا
دا عجبنا فشخ ودا عجبنا سيكا
جربنا وسربنا افكارنا في تراكات
منها سمعنا لكتير، منها كتير مات

ماركو انت موهوب
ساكت ليه ماتروح
نزل التراك دا وهيسمع في السوق
سهلة من برا ومن جوة مش سالكة
نصها موهبة ونصها مالوش ملكة

أشرحلك يعني ايه
فاهم يعني Drake
اتشهر بس عشان تراكات جامدة ***
جامد دا اكيد بس وراه فيه منظومة
بتسوق وتماركت، نظرية مفهومة

مش غلط دا العادي، في البيزنس معروف
و الكار دا بيزنس اكتر من ما كتير بيشوف
قانونه مالوش كتاب، فالرؤية فيه هباب
زيه زي غيره، تخبط ١٠٠ مرة لحد
ما يظهرلك طريق، وساعتها يتبل الريق
اسيب شغل الشركة واترستق على السين
ولا مش هنلاقي العيش، وهنعيش عيشة الطيش
نتمرمغ في الرملة و نتنتش كالريش
زمان كنت تحلم تقابل منتج كاييش
ينتج يصرف لك على الألبوم وعلى الأفيش
يفط في الشوارع، إضاءة مسارح
شرايط في الكاسيت، كلها مصالح

دلوقتي بقى اسهل اوصل كلامي
في أي وقت الناس بتسمع انغامي
حتى الاستوديو دلوقتي مش محتاج
مايك وكمبيوتر ويتم كل الإنتاج

فزادت منافسة والأخر مش سامعه
طلع للنور اللي كان إنتاج مانعه
هيب هوب، مهرجان، بدل غنى بأداء
ألوان مش شرط تناسب كل الأذواق

في اسكندرية، القاهرة، وطنطا
مزيكا بتتسمع من cape town لمالطا
النت فتحها للناس سداح مداح
كله بيسمع اللي ليه ودنه بترتاح

ومش غلط دا العادي، في البيزنس معروف
و الكار دا بيزنس اكتر من ما كتير بيشوف
قانونه مالوش كتاب، فالرؤية فيه هباب
زيه زي غيره، تخبط ١٠٠ مرة لحد
ما يظهرلك طريق، وساعتها يتبل الريق
اسيب شغل الشركة واترستق على السين
ولا مش هنلاقي العيش، وهنعيش عيشة الطيش
نتمرمغ في الرملة ونتنتش كالريش
زمان كنت تحلم تقابل منتج كاييش
ينتج يصرف لك على الألبوم وعلى الأفيش
يفط في الشوارع، إضاءة مسارح
شرايط في الكاسيت، كلها مصالح

كله على الملا و نصيبه محسوب
أعداد قليلة للفن القديم
ولحاجات غريبة أرقام بالملايين

و تبقى غلطان لو لمت المؤدي
الي بيعمل القيمة للفن المتلقي
الجمهور فضل، للفن دا القدر
دا ذوق الي بيسمع مش فن الي انحضر

بحكي لك حقيقة الواقع الأليم
أساس المشكلة هو التعليم
في فرز مزيكا بالجزمة مضروبة
بس ناس بتشغلها، فبضاعة مطلوبة

ومش غلط دا العادي، في البيزنس معروف
و الكار دا بيزنس اكتر من ما كتير بيشوف
قانونه مالوش كتاب، فالرؤية فيه هباب
زيه زي غيره، تخبط ١٠٠ مرة لحد
ما يظهرلك طريق، وساعتها يتبل الريق
اسيب شغل الشركة واترستق على السين
ولا مش هنلاقي العيش، وهنعيش عيشة الطيش
نتمرمغ في الرملة ونتنتش كالريش
زمان كنت تحلم تقابل منتج كاييش
ينتج يصرف لك على الألبوم وعلى الأفيش
يفط في الشوارع، إضاءة مسارح
شرايط في الكاسيت، كلها مصالح