كلمات على قديمه
دايرتي عمالة تصغر ممعيش غير كلامي
الزهر لعب معايا الحمدلله مبقتش أعاني
ياما الدنيا جت عليا دلوقتي بسوقها بدماغي
و الفرصة جت لحد عندي مسكت فيها عمياني
سنيني بتجري بتجري و أنا لسه قاعد بفكر
مين فيهم اتشددلي بحطهم جوة الدفتر
بيجيبوا في سيرتي في سيرتي وانا بكتب و بسهر
يا زميلي متتفشخرش عشان هتجيلي و هتتشطف
ياما ياما بصوا كتير في رزقي دي كلاب سعرانة
نفسهم يسمعوني بقول ياريتني
و أنا بس الي فاهم الي فيها و مفيش مخلوق بص لينا
دول منظر يعني شوية زينا مش اي حد يقعد وسطينا
كله علي قديمه عمري ما انسي الاصل
محدش وقف جنبي لما غرقت فالبحر
و طلعت منه عامل موجة لحد موصلت للشط
و اديني بسابق ساعتي فاضل تكة و اعدي القطر
أنا طالع فوق مش نازل تاني
أنا طالع فوق و مش نازل تاني
لسه فاكر كل كذبة اتقالتلي من اقرب ناس
و معدتش بثق في اي مخلوق خلاص خلصت عالإحساس
واد علي يميني عاوز ياكل لقمة عشان مينمش جعان
و التاني علي شمالي عاوز سنتي يروق بيه الدماغ
أنا شلت الهم علي ضهري لحد متقطم و معايا ادلة
و انت في بوقك معلقة دهب ده الفرق بينا
كلام عميق هتغرق فيه عشان يثبت في ودنك
و عرفت ان الدنيا غدارة هتزقك بس هتشدك
ياما ياما بصوا كتير في رزقي دي كلاب سعرانة
نفسهم يسمعوني بقول ياريتني
و أنا بس الي فاهم الي فيها و مفيش مخلوق بص لينا
دول منظر يعني شوية زينا مش اي حد يقعد وسطينا
كله علي قديمه عمري ما انسي الاصل
محدش وقف جنبي لما غرقت فالبحر
و طلعت منه عامل موجة لحد موصلت للشط
و اديني بسابق ساعتي فاضل تكة و اعدي القطر
أنا طالع فوق مش نازل تاني
أنا طالع فوق و مش نازل تاني
شوفت اسوء ما فيا فاضتريت اصفي النية
كل الانا عايزه اني اكون واحد من المية
هاخد كل حاجة ليا هاخد كل حاجة ليا
فكك و شيل من دماغك اني أعيش دور الضحية
أنا طالع فوق مش نازل تاني
أنا طالع فوق و مش نازل تاني