جوّه عيونه كلام باسرح فيها و انام جوّه عيونه حاجات بتدوخ ومشاهد أفلام نام على حجرى زى البيبى قلبى ضحك له ضحكة أم شفته بيجرى فى أحلامه ودم صحابه مالى الكُم نايم هو لكن غضبه ما راضى ينام أنا باتعلم من حكاياته من جرحه اللى فوق القورة أنا باتكلم عنه و هو عمره فى لحظة ما ساب الصورة حتى لما .. لما شاورلى و قال لى سلام بحر غرامنا كله مراكب بس احنا واخديناها عوم واللى حرمنا من عوامته مش عايزين و حنرسى فى يوم بس ساعتها الخيل ما ح ينفع له لجام