كلمات لاجئ بعيونك
كنت مفكّر الغربه سفر
طيّارة و مطار
تاري الغربة هيّي لما
تتركني وحدي ع نار
من وقت اللي فلّيت
والبيت مش بيتي
صارت غريبة عليّي
حتى مرايتي
أنا هون بمطرحي
بس الرُوح سافرت فيك
ضايع بهالوقت
وعم فتّش عليك
ما عاد في أرض
تحملني وتلمني
كل الوجوه غريبة
ومين بعدك يفهمني؟
صرت غريب الدار
والوجع صار رفيقي
ضاعت ببعدك إنت
كل دروبي وطريقي
أنا لاجئ بعيونك
دخلك لا تهجرني
البعد عنك غُربة
وبالغربة عم تكسرني
شو نفع الوطن
إذا قلبي فيك تعب؟
وشو نفع الدفا
والبرد ساكن قلبي؟
يا تقبر قلبي
رجاع وخلّي الغربة
أنا من دونك خيال
تايه ورا الظلال
الحب من بعدك
وجع وهمّ وتعتير
متل العصفور يلّي
انكسر جناحو وما قادر يطير
عم فتّش بوجوه الناس
بلكي بلمح منك شي
وكل ما بسأل عنك انت
ما بلاقي شي
إنت الوطن والبيت
وإنت الأمان الي ضاع ع غفله
أنا بغيبتك صرت
متل اليتيم بليله حفلة
أنا لاجئ ع بوابك
وعم يقتلني الحنين
عايش بلا هَوية
صارلي سنين
ردّلي هَويتي
خليني بين إيديك
كل بلاد الدني
ما بتسوى نظرة من عينيك
يا وجع الغربة
وأنا جوا بيتي
ردّلي الروح
وضوّي شمعِة حكايتي
مشتاق ارجع فيك
اغفى ع إيديك
أنا من دونك غريب
وعم دوّر عليك