كلمات ARMSTRONG
اصحى شوف انك تعاني
تهرب وانت غافي
ذولة الناس الجانوا حلمك يوم اليبدوا بالتلاشي
وانت داري يخلص عمرك تحلم بالتلاقي
دامهم حلم ما يضلّون بصفك عد سبع ثواني
هيج انت عش بين الناس الكل يحتمي بيك
الجثة تطفو وانت لا تغرگ بالسديم
وشوف ثقوب بگلبي ماحخاف بيوم النور تطفّي
شبيها الظلمة تراقب بية بيوم الچان نجوم بصفي
واني كلت بيوم بتتوضّح حقيقة
گلت ثقوب بگلبي لكن الي حيشيلك صديقك
گد الزاد وملح بينّة جتّي من خلف الموسيقى
ماتوقعّت يوم و تغرگ السفينة
ماهتميت خسرت كلشي واني جاي انتقم
ماندلّيت دربي عيني متشوف الا الفشل
وتاذّيت حلمي ضاع و حملي على الكهل
هم غشّيت حاولت اتجاوز ب كل وسائل النقل
باخر النفق مفقود النور
ناسك عافتك مكسور بدون
رحمة والكل ديبنون بيوت
اجي بلحظة يرمونا بقصور
كلشي برا كلبي صار حزين مثل الكاتبة
جوة عيني شاحب السواد مثل الباندا
صار حزين مثل الكاتبة
ما حتاثّر اني ادري الكاتب كاذب
انا الشاعر العلوجع ياخذ راتب
اصيغ الالم وقت الضربة مامتماسك
بكل لحظة براس السنة اتذكرهم واحد واحد
ويضيع الامل واني اتمنّى اترك ذول
گلبي ما حيگدر لو مثل طلقة اكتم شوت
بس كلما انفجر راح اتمنى ادرك كل اخطائي
قبل ما يدركني الموت
لو انّي مشاعر روبوت ومن سنين
باقي على حالي ولا ابالي باللي يصير
بزر انفجر ذاتي مثل دكمة القميص
ماكو داعي تتباع انا اخباري عالريبيت
شوف بسنيني تشوف اشباهي الاربعين
بس ماناوي استستلم انا اغني و ابلع شوك
راح اتسلق للقمر وحيداً هذي الArm strong
كلها ساعدتني مثل برشلونة ومسّي
وادري انه لوما وياية عشرة ماحتطلع وحدي
باخر النفق مفقود النور
ناسك عافتك مكسور بدون
رحمة والكل ديبنون بيوت
اجي بلحظة يرمونا بقصور
كلشي برا كلبي صار حزين مثل الكاتبة
جوة عيني شاحب السواد مثل الباندا
صار حزين مثل الكاتبة