كلمات خطيبتى مجننانى My fiancée, Majnani

خطيبتى مجننانى
طلبتها مجننانى
كل ما تطلب حاجه بجيبها
من كتر الزن على ودانى
مهما عملت عشان عيونها
مش عاجب وبجيب من تانى
كل ما اوفر دايما واحسب
دايما بصرف عالطلبات
بالشكل ده ما بقتش بحوش
علشان اوفى الالتزامات
ومافيش ابدا حاجه عاجبها
قولولى اعمل ايه يانى
كل مقابله لازم تطلب طلب جديد
كل كلامها معايا وبس
عالهدايات وهدوم العيد
حرمت معاها اتمشى
من قدام البتارين
دايما تححرجنى وتنسي
ان احنا مفلسين
كاتب شيكات بالجمله
لتجار الفساتين

دايما باصه لدى ودى
غاوية تقلد زميلتها
وانا مش عارف اجيب منين
علشان اوفر طلاباتها
كل ما اقول ترحمنى شويه
من كتر المصاريف عالفاضى
ونوفر للعيشه الجايه
علشان نبنى العش الهادى
تقولى يعنى هتفرق ايه
اسوره او فستان سواريه
دى جارتى اللى خطيبها البيه
داخل خارج مالى ايديه
بيجبلها شئ وشويات
وهدايا كتير بالأولوفات
قولولى بس راح اعمل ايه
دى خطيبتى مجننانى
طلاباتها مبرجلاني

كل ما اكلمها فى الحب
واقولها كلمتين حلوين
ترود تقولى كلامك حلو
اه لو جنبه هديتين
نفسى فخاتم وفساعه
وجوز جزمه كويسين
قولولى اعمل ايه يا ناس
ما خلاص جت الفأس فى الراس
عشر سنين وانا محتاس
وما جهزتش للجواز

كلمات ولحن/ سامح إبراهيم
توزيع/ ميدو صقر