كلمات الڤاراندا
ليه فضلتي تعلقيني بيكي
وفي يوم نسيتيني ومشيتي
ياما كنتي تقولي ملكت قلبك
وعمري ما همشي من جنبك
فين الكلام دا؟
فين هستنى في الڤاراندا؟
فين وعودنا؟
مين حسدنا وليه اتكسرنا؟
كنت بنيت في عقلي أيام
خلصنا فيها كل الكلام
وبقينا بنتفاهم بنظرة عين
وقلت خلاص
قفلت قلبي عليكي خلاص
شفت في ايدي دبلة ألماس
شفت ضحكة ودمعة في عينيكي
وانا بلبسها لك في ايديكي
فليه احنا بعدنا؟
ليه بعدتي عني؟
دا انا صدقت كل الي قلتيه
قلتي لي القلب بيعرف لما
بيحس انه قرب للجنة
فين الكلام دا؟
فين هستنى في الڤاراندا؟
فين وعودنا؟
مين حسدنا وليه اتكسرنا؟
مش برتاح لما بتيجي على بالي
ولا برتاح وانتي مش قدامي
عقلي نسيكي ماحيكي من الأيام
بس قلبي شايفك في كل مكان
فين الكلام دا؟
فين هستنى في الڤاراندا؟
فين وعودنا؟
مين حسدنا وليه اتكسرنا؟