كلمات Flashes | ومضات

US Imperialism | الامبريالية الأميركية
أنا هون وهونيك، انا Gin وTonic،
انا الموت الأسود، bubonic.
انا البوط الأجود: سمفونية الشرق الأوسط
عم نعيد ترسيمها، نعيد تقسيمها.
نصيغ اللحن النيّ تيصير اللحم الحي
بوجه العتمة طي، بوجه العتبة ضيف.
انا السم بالغم والbuzz بالrhum،
انا بخلق كون، أنا uncle sam.
أنا برشح قوة، أنا بفرض خوة،
أنا بفتح هوة، أنا بِعمي بضوّي.
أنا بلسم من بلغم - مرهم، برهن
كيف أرعن شرعاً (طبعاً) قادر
يلعن كل شي، بيلعب كل شي
تيبلع كل شي.
Anxiety and Insomnia | قلق وأرق - part one
ومضات بالراس - ضربات رصاص.
أفكار بقفاص: أشعار بالضراس
بيكابو (Peekaboo): بيركبوك، أصوات أصوات.
أنماط أنماط: طفرات، حفرات.
طفران، زهقان، قرفان، علقان.
خرفان، ضعفان، عتلان كل هم الكون.
كل عمرو النوم عم بِطير من عيني،
ومن عيني لو بْطير بالنوم.
Resilient Hunger | جوع صامد
لما عادي صار الصيام، مفي داعي للإيمان،
حتى منو رمضان، مفي داعي زيد الديْن.
"فيني عيش عدخان وحشيش، عبُخار القريش،
عبوشار وكبيس" ؛ "أيري فيك وبهل حديث."
Freedom and Sovereignty | حرية وسيادة
بين قانا وكاريش، صيصان بلا ريش.
عناقيد بلا غضب: مناقيش على حطب.
مووايل، تهاليل، عنواين، بلالين، تتغطي العطب.
Raging Cynic | ساخر محتد - part one
بعصر العبث، الحياة شلكة.
في صاحب البار يحج بمكة،
وحقك حادث، جورة عالسكة؛
بيمرق عمر بتكة. ببكي الوضع
كنوسة صغيرة. بشتي القمع
كروش كبيرة: ديون كتيرة.
شكمو عالسيرة، لجمو للجحش
ورجمو عالنيرة، فرمو بفتاك.
Crippling Clientelism | زبائنية مشلّة
... بس أوعا تفكر رح ننساك،
أوعا تدبرس، أوعا تغطرس،
اوعا تقطب هل كلسات.
أوعا تفكر، أوعا تكزدر،
‏أوعا تفل من ظل البيت.
أوعا تفلفش، أوعا ترفرف،
أوعا تطل من الشباك٠
اوعا تسب الي رباك.
Raging Cynic | ساخر محتد -
ضرَبك فالج، ومفيك تعالج، ومفيك تحارج:
المرض اخترق الداخل والخارج؛ هيدا الدارج:
صف خوارج، وصاية من صف بوارج،
عصاية بكف دواعش، رواية من رف بواعث.
نص قواعد: به مفعول بلا فاعل،
اسم مجرور بلا حرف،
فعل متعدي مش لازم.
نحو بلا صرف،
فعل متردد مش جازم.
Preachaholic | مدمن المواعظ
طمحوا بلا قرف، بلا خرى،
بلا مرّة لقدام بوجه عشرة لورا
بس نشد الهمة مان: رجّ عرش الي خلق
نيك عرض يلي بذر، فيق أرض كلا شجر،
كلا بشر عم تتوجه نحو القدر، نحو الغد motherfuckers
جناح بلا أفق، سلاح بلا قفل: فلاح بلا زفت.
Anxiety and Insomnia | قلق وأرق - part two
عواطف بلوعة خواطر، خواطر للعاطفة منصاعة.
من ساعة وعم ببرم بالفرشة، في ورشة مفتوحة،
في وشة مسموعة بدماغي.
شياطين عم تخانق إلهي.
سلاطين عم تتخانق عجاهي،
فساتين عم تصارع عباية.
سلاطعين عم تصارع زرمباية.
صبابيط عم تبهدل مشاية.
شراميط عم تحاضر بيتشاية.
أسيد عم يرجلج تدشاية،
أكيد عما هلوس مش فايق.
أكيد عما روبص مش نايم.
تفاقم، تناقض، تباطؤ الفهم،
تمازج الواقع بالوهم،
تضارب الوقت بالزمن،
تراطم الشخص بالكون،
تراكم التعب وقلة النوم،
نراكم من بعد ما يوقف الجنون
(ما بيوقف الجنون)
Anxiety and Insomnia | قلق وأرق - part three
بتخل دوافع بالميزان،
بتغل مصاعب بالانسان.
بتتخ منافض من الدخان،
بتحس مضاجع للسرطان.
بتنف مخاطك لونو mauve،
بتشخ شخاخك ريحتو Dove.
بتدس نبضك منك عايش،
بتضلك طايش، غايص، فايش.
واعي، دايخ، رايح جاية، ورا برداية،
حابل نابل، حابب نوبل:
حارب قاتل، حاجة تماطل.
بدها تخرى بدها تفرط،
بدك تهدا، حاجة تسرد،
لازم تنأى، لازم تغفى،
لازم تدفى، حاجة تبرد!