كلمات معك تعلمت Ma3ik T3allamet

معك تعلمت إسمع
بشارة الملاك
إنت خليتيني قول
ربي لولاك
حياتي ظلمة بعينيي
شو كانت عملت إيديي
يسوع غمرني يوميي
وفرجيني حلاك

معك تعلمت أوقف
قدام الصليب
إنت خليتيني أوثق
بالرب الحبيب
بإيدك ضميتي قلبي
وع صوتك كمّلت دربي
مريم خليكي بقربي
بوقت المغيب

معك تعلمت واجه
ظلم الإختبار
بنور القبر الفارغ
ما في إنكسار
القيامة منها خبرية
القيامة قصة يومية
يا مريم خلي عينيي
تشوف الإنتصار

معك تعلمت صلي
باليوم الخمسين
بنار الروح يملّي
قلوب الخيفانين
الخيانة يشفيها هوي
ويحول ضعفي لقوي
يا مريم سلامك خلي
يزور المحزونين