كلمات راپه برخه دې بېلتون
راپه برخه دې بېلتون
زر یاران مې و په زرو لارو لاړل
څلور لاری کې ولاړ یمه حیران یم
نیمه شپه ده د زرغون څراغ رنا شوه
زړه مې نه ورځي خو بیا هم ور روان یم
راپه برخه دې بېلتون
ساړه باد مې لاس په سوي ځیګر کېښود
د شپیلۍ د سوي غږ په څېر روان شو
يو نری نری زبیرګی مې تر غوږ راغې
پسې تالندی شو شړکنده باران شو
راپه برخه دې بېلتون
د چا مات بانه مې یبله پښو کې لاړه
د کوم چا په سپین مړوند مې قدم کېښود
د شلیدلي هار دانې مې کړې راټولې
ورسره مې د خوږو سترګو نم کېښود
راپه برخه دې بېلتون
په یوه قبر مې کږه شناخته کړه سمه
لکه خوب مې د دوه سترګو مخکې تېر شو
د جګړې بلا خوړلی و ویده و
ښایسه نوم یې و خو اوس راځنې هېر شو