كلمات الى ابنى الغالى
سعات بسرح و افكر فى المستقيل و اللى جي
لقيت نعمك يا ربى عليا مالها حصر و زى
يمكن فى زوجه صالحه عرفت تخلي بيتى قصر
مهما اعد فى النعم مش هلاقى ليها حصر
اجمع اوائل الحروف هتلاقى فرحه عمرى و سند
لظهرى وقت عجزى و شيبه شعرى للابد
يوم ميلادك يوم ما اترزقت بيك
اقسم بربى كان اكتر يوم فرحت بيه
اول ما سمعت صوتك م الفرحة كل ما فيا بكى
ضميتك بين ضلوعى حضنك ملانى بالدفى
يا فرحه عمرى كله يا املى لبكره و نور يقين
حياتى رجعت تضحك بعت ما اترزقت بيك يا سليم
يا اغلى عليا من نفسى يا نور عينى اللى بيها بشوف
اديلك عمرى او نفسى انا الامان من كل خوف
اوعدك اكونلك ظهر و كونلك احسن اب
و اكون المثل الاعلى اللى يملى حياتك فخر
مهما اكتب فى حروف سطور ورقتى مش هتشيل
لان وجودك نور حياتى خلانى اعدى المستحيل
فى عيد ميلاد ولى العهد فى عيد ميلاد ابنى الحبيب
حبيت اعبر عن سعاتى اللى كل يوم بتزيد
زرعت بذره امل و جنيت انا منها نور
ف ابنى ثم ابنى لحد يوم ما اموت
فى عيد ميلاد ولى العهد فى عيد ميلاد ابنى الحبيب
حبيت اعبر عن سعاتى اللى كل يوم بتزيد
زرعت بذره امل و جنيت انا منها نور
ف ابنى ثم ابنى لحد يوم ما اموت