كلمات Khaznet Zkryato | خزنة ذكرياته

لما دور
جوه خزنة ذكرياته

شاف قصاده حاجات كتير بالعافية عاشها
دمعة نزلت من عيونه و عن جميع الخلق حاشها

السنين عدت قصاده كلها بنفس الحنين
و افتكر ضحكة حبيبته قبل ما يسيبها بيومين

ذكريات ملهاش نهاية كلها اتكاترت عليه
و السؤال بيدور في راسه في النهاية وصل لـ ايه

ايه اللي نابه م الزعل بعد اما راسه نبّتت كام شعره بيضا
ايه اللي نابه غير وجع بعد اما كان يقفل حكايه و يبتدي في حكايات جديدة

كل ما يدقق في صِوَره جوه نفسه يقول ده مين
السنين دي مين سرقها و الحبايب راحوا فين

شاف حاجات بالوقت فعلا شقلبت عمره و حياته
كل ده بعد أما دوّر جوه خزنه ذكرياته