كلمات انه جيت Anh Jeet

انه اجيت افتحلي اديك
يا سلام الله عليك
حتى لو بعدك حزين
حزنك يخبل عليك
يا عراق وماكو مثلك
الله حط حنيته بيك
انت ترهم بس علينه
واحنه نرهم بس عليك

اولا والكل وراك
بالگلب ماكو سواك
شما تروح وتجي ناس
هوّه هوه يظل غلاك
كون من عمري اعله عمرك
انه وسنيني فداك
ابنك انه الما يبيعك
وانه البروحه اشتراك

يا عراق يا عراق
يا عراق يا عراق

مالك بگلبي شريك
انت الأول والأخير
تصغر الدنيا بعيوني
ويبقى بس حضنك جبير
والسما من تغيب تعطش
شوفتك والمطر خير
كلها تتشابه بعيني
وانت عن الدنيا غير

انت بس هالواحد انت
غيرك من الله شأريد
گلبي من كدما يحبك
يبجي من يقره النشيد
عني اذا گالو عراقي
عمري يبدي من جديد
شلون اعيش وتغفه عيني
لو صرت عنك بعيد

يا عراق يا عراق
يا عراق يا عراق