كلمات أكاد من Akado Men

قاعد في جنة وسط الفاكهة ملمع العصارة
راصص المارك جوه الدرج وكل لون بأمارة
مستني الرزق ومسمي الله
يضرب القصبة بمستحده
ضربه تقشر عقلة عقلة
جوه المكنة أحلى ترس يقوم ساحبها واحدة واحدة
يفيض عصيرها وهو نازل يلقى تلجة ساقعة ساقعة
يقوم حاضنها حضن دافي بيدوبها زي قلبه
في صوت حبيبه التهامي على الكاسيت بيدي بركة

أكاد من فرط الجمال
فرط الجمال أذوب
أكاد من فرط الجمال
فرط الجمال أذوب

راجع بعد حجز كورة
خلصت كل الطاقة
ماشي ببطء وشكل وشي تريبل سني في البطاقة
شوفت المعلم عـ الكاشير
وصنايعي واقف وسط كبايات كتير
إديته المارك
مسك الشوب
رافع إيده لفوق بيصب
الصبة بتنزل تعمل رغوة
بتعمل رغوة بطعم الحب
الطعم حوار
قلبي مطلع صوت مزمار
عصير قصب معمول بفن
نفسي أشرب شوبين تلاتة
بس أنا أكاد من

فرط الجمال أذوب
نفسي أشرب شوبين تلاتة بس

أكاد من فرط الجمال
فرط الجمال أذوب
أكاد من فرط الجمال
فرط الجمال أذوب