كلمات ضيقة عصير

مرحبا يا ضيقة عصير والليل الطويل
اقلطي في صدري اللي من الضيق امتلا
جيّتك ما هي غريبة وصدك مستحيل
كأن لك عندي محبة وتقديير وغلا
يا وجودي والله إنْ ما بقى في الحال حيل
والليالي كأنّها آخذة جروحي حلا
منّجم راسي وتايه وأنا عقلي دليل
والسعادة كل لحظة تسمعني جلا
المحبة لا اصبحت فالشجاع أمسى ذليل
والهوى بلوة يجنن شعور المبتلا
يا نحيل الخصر أنا اللي غدا حالي نحيل
من بعد حبك تقول إني صايبني بلا
هاجرٍ مخدتي لا مبيت ولا مقيل
والبلا من بعد بدلت لبيه بهلا
العتب صكّة وخله مثل باب البخيل
ودك إن الصدر ما يدخله غير إنزلا

والله إن ما لك بعيني شبيه ولا مثيل
كل وصفٍ فيك ما فيه مثله في الملا
والله إن مالك بقلبي خشير ولا عديل
مير وش ذنبي تعرضني فجوج الخلا
لا ذكرتك قلت من علّمه درب الرحيل
وأذكر إنك عندك اللي عاشقك عشق إولا
ليت عاد طيوفك تْمرني ليلٍ وليل
المصيبة كل لحظة وتاليها أوّلا
لو تصير الدايره يا غرامي مستطيل
والله اللي يبلا حبيبك وحبك ما بلا
واصل جروحك مادام إنك بوصلك بخيل
من جروحك جعلني ما أعَدم ولا خلا