كلمات المسيح

يا كلمتي لفي ولفي الدنيا طولها وعرضها
وفتحي عيون البشر للي حصل على ارضها
على ارضها طبع المسيح قدم
على ارضها نزف المسيح الم
في القدس في طريق الالام
وفي الخليل رنت تراتيل الكنايس
وفي الخلا صبح الوجود انجيل
تفضل تضيع فيك الحقوق لامتى لامتى
يا طريق الالام يا طريق الالام يا طريق الالام
وينطفي النور في الضمير وتنطفي نجوم السلام
يا طريق الالام
ولامتى يمشي فيك جريح
ولامتى فيك يفضل يصيح
مسيح وراه مسيح وراه مسيح
على ارضها
تاج الشوق فوق جبينه وفوق كتفه الصليب
دلوقت يا قدس ابنك زي المسيح غريب غريب
تاج الشوق فوق جبينه وفوق كتفه الصليب
خانوه خانوه نفس اليهود
ابنك يا قدس زي المسيح لازم يعود
على ارضها