كلمات Weda Bardo Yenfaa

عمَّال بِتهلِك في أيامك
مع ناس لا وضعك ولا مقامك
من بَعدي بقى هو ده تمامك
وده برضه ينفع؟ ما ينفعشي
من الشوق في بُعدي إِنتَ ما سلمتش
لكن مقاوح ما سلمتش
شُفتك في حِتَّة وما سلمتش
وده برضه ينفع؟ ما ينفعشي

وعمَّال بِتهلِك في أيامك
مع ناس لا وضعك ولا مقامك

كِبرَك مكَبَّرها في دماغك، عِندي إِنتَ عِندي
سايبك عملت اللي في دماغك والحل عَندي
كِبرَك مكَبَّرها في دماغك، عِندي إِنتَ عِندي، إنتَ عِندي
سايبك عملت اللي في دماغك والحل عَندي، ما تيجي عَندي
فاكرك حِنين وما طلِعتِش
ونزِلت من نظري ما طلِعتِش
عدِّيت قُصَاد بيتنا ما طلِعتِش
طب هو ينفع؟ ما ينفعشي

وعمَّال بِتهلِك في أيامك
مع ناس لا وضعك ولا مقامك

أصلك ما تقدرشي تنساني
ولا حد ينفع يجي مكاني
معقولة هتعيشها وحداني
وده برضه ينفع؟ ما ينفعشي
عمَّال بِتهلِك في أيامك
مع ناس لا وضعك ولا مقامك
من بَعدي بقى هو ده تمامك
وده برضه ينفع؟ ما ينفعشي