كلمات بلاقيك علي بالي

من اول ما بفتّح عينى بلاقيك على بالى..
و كإن مشاعرى بتصحى معايا و يمكن قبلي..
بحتاجلك اوى و فيه حاجه بجد معاك حصلالى..
عمرى ما حستها بتحصل اول ماتقربلي..
و لأول مرة بسببك انت احب حياتى..
و احس بإن انا حبيت نفسي و حاسة ب ذاتى..
انت اللى بتفهم معنى كلامى و معنى سُكاتى..
وانت من العالم كله الاقرب و الانسب لي.

بحمد ربنا على كل دقيقه انا شايفاك فيها ..
و بقيت لو غبت ثوانى بحس بروحى سابتنى..
يا امانى و سندى يا فرحة هدتنى الايام بيها..
انا كنت ف توهة و مديت ليا ايديك لحقتنى..
و لأول مرة بسببك انت احب حياتى..
و احس بإن انا حبيت نفسي و حاسة ب ذاتى..
انت اللى بتفهم معنى كلامى و معنى سُكاتى..
" و انت اللى ف حضنك رجعتلى الضحكة و صالحتنى"