كلمات ميهمكش
يضحك وما يهموش
وفي حاله لا في باله
والضربة ما تهزوش
والبسمة راس ماله
اضحك وما يهمكش
لو عامل اللي عليك
جيبك ما يشبهلكش
لكن ربك غانيك
العزة مش بالجاه
لو يقتل راحة بال
ده اللي ربك قواه
آخر همومه المال
ضحكاته بتجلجل
تسمعها منه كتير
وتشوفه في الأعدى
معوج كأنه أمير
بتغني يا مطحون؟
وتلحن الآها
طب ده إنت في متاهة
مدفون في قعر البير
خلي الخراب يكمل
لو يحسدوا الضحكة
فالجيب قوام يفضى
من حبة الفكة
الباقية للمشاوير
يا ابني إنت على تكة
وتموت من التفكير
ملعون أبو الضحكة
لو تخفي هم كبير
يضحك وما يهموش
وفي حاله لا في باله
والضربة ما تهزوش
والبسمة راس ماله
اضحك وما يهمكش
لو عامل اللي عليك
جيبك ما يشبهلكش
لكن ربك غانيك
العزة مش بالجاه
لو يقتل راحة بال
ده اللي ربك قواه
آخر همومه المال