كلمات خايف تخلص الدني Khayef Tekhlas El Deni

خايف تخلص الدني ونحنا بعدنا نايمين عتخت الطائفية ومنتغطى بالدين
خايف تخلص الدني غرقانين ببحر الكذب نعلن ولاء الوطن ونحنا ولائنا للحزب
خايف تخلص الدني ونحنا بالاسم احرار عم ننقسم لكتائب وعم ننجرف بالتيار
حب الوطن ما اكتمل والعمال بلا عمل والكتلة الوحدة كتل وعم نفتش عأمل
والتوحيد صفا وحدات والآخر ما منتقبل والقوة صفت قوات وعم بيضيع المستقبل
خايف تخلص والظلم اخد حقوقنا وماردّا والناس الحد الزعيم ما تلاقي حدا حدّا
يا شعوب النوم اشتراكي طولتي كتير النومة يلا قومي كفاكي صارت بتحرز القومي
خايف تخلص الدني ما اعرف ليلي من نهاري لا عدوي من جاري ولا يميني ويساري
خايف تخلص الدني ويا وطني منستحي فيك ان سألوني انت مين بقلن شيعي او كاتوليك
سني درزي ماروني ارمني او سرياني اوتوذوكسي بروتستانت علوي او علماني
بعرّف عن حالي بطايفة وبنسى قلن لبناني
خايف تخلص الدني ونحنا بعد مش فاهمين انو الانسان انسان بغض النظر هوي مين
ما حدا نقا شكلو ولا حدا نقّا مينو ولا حدا نقا لونو ولا طايفتو ولا دينو
عشو بعدنا مختلفين مقسمين مشرذمين  وتحت عيون الشمتانين منتدبح بإسم الدين
خايف تخلص الدني ووطني زغير تعبان من ولادو المقسومين مع فلان وفليتان
وبسمع صوتك يا جدي عم بيوشوشني بحنان يمكن تخلص الدني وما بتخلص قصة لبنان
ومتل ما قلي جدي بهاك القصة من زمان يمكن تخلص الدني لكن ما بيخلص لبنان