كلمات مشهد عبثي
كله بيضحك كله بيلعب
مشهد عبثي خلاك تتعب
محتار تشكي وحالك يصعب
ع الناس ولا تخبي وتهرب
كله بيضحك كله بيلعب
وانت احلامك ضاعت منّك
سنة ورا سنة وبيكبر سنّك
يمكن لحظة بتفرح سنّة
بس دماغك مش هتحلّك
ذكرى تطاردك.. فكرة تجنّك
ألف سؤال لازم هتحلّه
ليه في مكان كاره تنزل له
قلت زمان عمرك ما تملّه؟
ولا اكمنّ حبيبك فارقك
كل أماكنك فضيت منه؟
في صراع بيني وبين نفسي
وبيني وبين الناس مش بجري
اسمعني اما اتكلم مش بهري
عمري ماكنت جبان ولا عمري
ببيع اللي بيشتري لو باعني
بفضل شايف والكون معمي
بسمع عقلي كلامهم مرمي
لابهاب حد وماانساش حقي
فاكر أول يوم حبيتها
ولما قالتلك قلبك بيتها
فاكر لما كرهت غيرتها
وفاكر لما قالتلك سيبها
ليه صممت تقرب منها
وليه استنيت قلبك يدمنها؟
كنت فاكرها، وكنت فاكرها
وطلعت زيها زي غيرها
كله بيضحك كله بيلعب
مشهد عبثي خلاك تتعب
محتار تشكي وحالك يصعب
ع الناس ولا تخبي وتهرب
كله بيضحك كله بيلعب
كله بيضحك كله بيلعب
تعبان من كتر التفكير
رغم اني بقيت بنسى كتير
رغم النضج، ورغم تجاربي
لسة ساعات بحتاجلك جنبي
ورغم ان الأيام بتمرّ
لسة مادابش طعم المرّ
واللي كان اسمه حلم العمر
بقى ذكرى بتألم وتضر
فاكرة الطريق اللي مشيناه
كان يبدو أطول م الحياه
كان ورده أجمل م السما
كان نوره بيصيب بالعما
كنت ابتسملك كلما
شفتك بتمشي ف خط سيري
ازاي كملتي فيه من غيري؟
مشهد ضحك سخيف متعاد
ناس مقسومة عبيد واسياد
وتاريخ أحداثه بتتعاد
والأقوى بيكسب كالمعتاد
ياتكون قوي ياتخف صياح
عمري ماشفت ضعيف مرتاح
بس الكل لو جه أو راح
أيا كان حبّة سياح
اللي رافضك واللي سايبك
واللي خلى عيوبه ذنبك
واللي لما احتجته جنبك
لف من وراك وحاربك
بس عمره ف يوم ما همك
هي ف النهاية حربك
لما تنتصر هييجو
كله عاوز يبقى صاحبك
اوعى تضحك ضحكهم
أو تبقى تافه زيهم
كمل الطريق لآخره
تبقى واحد م الي عافرو
ولما تضحك تبقى جد
مش ضحكة تكمل المشهد
لما تضحك تبقى جد
مش ضحكة تكمل المشهد!
كله بيضحك كله بيلعب
مشهد عبثي خلاك تتعب
محتار تشكي وحالك يصعب
ع الناس ولا تخبي وتهرب
كله بيضحك كله بيلعب