كلمات وشوش
ما توفقتش مع طفولتي فشكلي عجز بدري حبة
كنت بشوفهم مبسوطين لكن لوحدي كنت بشقى
كنت بتعب كانت حياتي مجرد اقتراحات في مشقة
الدنيا فاجرة معكش حق الشبكة فارمي الوردة وإنسى
ولا كان لي كبير ولا كان لي في حد خير
ولا كان لي حتى في نفسي سندة
أبقاها فتسندت في حيط فمال
أنا حظي تاه وتعبت بين حكايات أنا كل من بكاني
كنت في يوم واكل في طبق معاه
قالوا لنا إن إحنا صغيرين على فكرة
المرض مش بيفرق بين كبير وصغير مرضى باكتئبنا
كل الحكايات دي هتخلص والأغاني هتولع
عيب إنك تكون كبير وشحط وبنت تشتم أمك يا أهبل
أظن الحق أصبح باين أظن إنك مكنتش سالك
فاتغفلت واتاخذ مكانك
كل اللي قال لك إن الدنيا بخير ده كذب
كنت أوسخ خلق الله عاشرت أبلسة وبالنسبة لهم ذهب
بلاش تكثر لمتهم جنبك منظر
جوة دماغي ناس بتعيط ما يغركش إن أنا بهزر وأضحك
وشوش بتبان عليها الهده كان في كلام مابينا
اتقال في وسط هزار وقعدة قهوة
بلاش تكثر لمتهم جمبك منظر
جوة دماغي ناس بتعيط ما يغركش إن أنا بهزر وأضحك
وشوش بتبان عليها الهده كان في كلام ما بينا
اتقال في وسط هزار وقعدة قهوة
شادد رحالي وذوقت مرار في وسط جو الشتاء
كنت طفل صغير فاكر إن كل الناس طيبة
كنت صقر في وسط بحر وع الرصيف كلاب السكك
كنت ظهرك واما بحنا وأحتاج لك ملقكش هنا
إياك تكون فكرني مسلم
إياك تكون فكرني هفضل في الوجع مكمل
لو الموت دخل عليّ فجأة هيلقيني مقبل
أنا حبيت الدنيا جدا بس معايا كانت بتندل
يا خسارتك يا قلبي يا أبيض
كنت عايز تحمي الملك ونسيت إن ماعكش طابية
كله عارف فين يوجعك وبرضو كله داس
في ناس طالعة بنجاسة وناس طلعت بحب الناس
يا رب أوعدنا بالصاحب اللي يسندنا
يا رب ابعدنا على اللي كلاب لمصلحتها
ياما سهرنا في الحواري بزرع ونبيع في ورد
أنا اتكتب على سور مملكتي آخر عازف ع الأرض
وبنتمنى الضحكة ليلة ضحكة تهون يوم يعدي
ليلة واحدة بس جميلة وأسرح في الملكوت وأتأمل
وأكتب وأنا دايما بتعلم إن الدنيا كاس مش أكثر
وإنت بتشرب كل ليلة ولسه ياما ما تستغربش كله منظر
الناس دي مش شايفنك ولا عرفين إنك مضمر
مريض نفسيا أهم سعدوك عشان حالتك تدهور
عشان تحب فيهم قلبك يطفي ويتكسر
مرمي تحت رجلي كنز بس أنا بصيت لفوق
ما كنتش بتمنى الحياة على قد ما اتمنيت أفوق
ما كنتش راضي ع الأحوال وظروف بتجبرني إني أهاجر
كنت ببعد نفسي غصب كنت للأشخاص بتاجر
ما بصتش لقدام كان قوت اليوم ع قد اليوم
كنت بقوم وأنا بقول أنا هرجع إمتى ومش بقوم
أنا ما عوزتش ألقى نفسي شقيت عشان أتكون
كل حيطة سودة في وشي بس أنا حبيت ألون
أتحمل سمعتها كثير لو تعرف عنها
فأنا بقيت رمز لأشخاص تتكلم الكلام ده منها
الدنيا غالبة بس لو فكرت لثانية
تلاقي نفسك جوة دايرة ومش هتخرج غصب عنها
إنت اللي خذت المبادرة سيرتك ع اللسان كلام
الناس مبقاش وراها غيرك إنت إيه أنا تمام
رجعت ثاني هشرب عشان أنام
هنزل بدري عشان أتهان هشرب سم كان كلام
الصورة ما اختلفتش ياما الناس عايزة لك حفرة
إنزل مع السلامة، الغلب على قدك تماما
إكتب علشان تتلاقى إحلم مع الغلابة
الدنيا مبتفتحش إيديها فتح عنيك هتعمى
إفتح رجليك هتجي لك، الرزق للي فوق الناس
إجري صحة هتتهان بيع مخدرات تمام
الدنيا ماكتش جدعة معانا ما فيش حلول حلانا
لو هتدور، هتدور شمال ولو هتكون، هتكون لحالك
كل زمايلك مش باقي لك كله جلى تعبك قصد
إحنا شلنا طوب الأرض محدش شالنا يا با كله اتشل
ثعابين وبدنا نعيش ماعيش حتى إني أتعايش
غرقان جوة الهم وبايش كنت في وسط أحلامهم سايس
كنت بعدي عشان أنا طيب مش عشان مش قادر أئذيك
أنا بستفسر بس عن عشرتنا إزاي هانت عليك يا جدع
العيش والملح كله اتطفح بعد إذنك عايز أعيد حياتي
عشان عديت نصها مصطبح وأنا لحم كتافي
اتقطع واتوزع على غيري عايزك تحفظ شكلي
عشان هيغفلوك وبكرة تجي لي يا أهبل
سقفوا له عشان مغفل مين يتوه توهة
أقوم بيكم لوحدي لو إنتوا بشكل واللي دوست عليه
زمان طلع دخان عماك وسابك، خذ بالك يتاخذ مكانك
أنا كنت فاكره حبة تعب هنام وهفوق
منحوس كان عندي حلم بس مكنش معايا فلوس
وعشان طيب يا قلبي أذوك وبهدلوك
خذ بالك عشان مش جمبك حد مهما زادوا وشوش
أنا كنت فاكره حبة تعب هنام وهفوق
منحوس كان عندي حلم بس مكنش معايا فلوس
وعشان طيب يا قلبي أذوك وبهدلوك
خذ بالك عشان مش جمبك حد مهما زادوا وشوش