كلمات مش هلومه
مش هلومه مش هعاتبه
حاله لو دلوقتي عاجبه
بكره جاي يكسرله قلبه
ويجي يسأل احنا فين
سيبته والايام تعلِّم
لما يعقل بكره يندم
بكره يرجع لما يفهم
انه بعدي عايش حزين
واللي قلنا عليه كويس
كان كويس انه غاب
واللي مش عارف يميز
مش هيفهم في العتاب
واللي سابنا وراح لحاله
بكره حاله ما يعجبوش
واللي ماشي وقال مفارق
بالسلامة ما بنلوموش
بكره يندم عاللي فاته
لما يبقى الوقت فاته
مين هايعمله في حياته
اللي كنا عملنا ليه
مين هايجي في يوم يآمن
قلب معروف انه خاين
ولّا هو بجد ضامن
ان عمري واقف عليه
واللي قلنا عليه كويس
كان كويس انه غاب
واللي مش عارف يميز
مش هيفهم في العتاب
واللي سابنا وراح لحاله
بكره حاله ما يعجبوش
واللي ماشي وقال مفارق
بالسلامة ما بنلوموش