كلمات بتضلك تخطر على بالي

هَيك بيعمُل فيي الشوق
خيالِك  ساكن عينيي
بس ناطر هالأزمة تروق
وإرجع  شوفِك ليلية

وبتضلك تخطر على بالي

إذا إنتَ وجنبي بشتاقلك
كيف و إنتَ  عني  بعيد
بنام و أنا عمتمتم إسمَك
بصلّي نتلاقى من جديد

و بقلبي إنتِ و بخيالي

إذا مش قادر هلق شوفِك
بدي  غنيلك  غنية
عن شوقي بتحكيلِك هي

وبتضلك تخطر على بالي

غنيتي و فرحي بوجودَك
همساتَك أحلى غنيّة
خدني وشدني وتر بعودك
قربي منك أحلى هدية

وبقلبي إنتِ و بخيالي

إنتِ و مش معي ..   ضايع مني حالي
قلبي  بلا  وعي   ..     عميبكي عحالي
دقاتو اسمعي  ..     بتقللك عن حالي
بعيني اتطلعي .. بشوف بعينك حالي