كلمات رغم البعاد

رغم البعاد أحن لك لا طريتك
يا عشقي الاول و يا كل الأنفاس
لو قيل لك لاهي ترى ما نسيتك
يا كثر حكي معذرب الناس بالناس

في زحمة الغربة يا قلبي لقيتك
واليا تبعت خطاك يقتلني الياس
أسمع صداك والتفت ما رأيتك
و يمرني وجهك مع كل الأجناس

أفقدك لكني كذب ما بكيتك
و أبكيك و يقول الرجا فيك لا باس
شلون ابلهى عنك والقلب بيتك
يبو عيون ً كنها تشرق نعاس

حلفت ما أعطي غيرك اللي عطيتك
دام الحنايا للمعاليق حراس
لا قلت احبك توني ما وفيتك
باقي كثير احساس وإحساس وإحساس

ورغم الغلا يا صاحبي ما رجيتك
و معاهدك ما احني على غيبتك راس
مثل الشجر ياما بظلي حميتك
وانتا عقب ظلي تجازيني الفاس