كلمات طلت لي من شباكها

طلت لي من شبّاكها وكانت ليلتها عتم
والقمر حاجب نوره، متخبي ورا غيماتا
نادت لي قرب مني
مشيت لعندا بين الورود ونظراتا.

يا ليل خليك طويل، خليها تبقى هون،
يا قمر خبّي نورك، خليها تحكي معي
قرّبت حتى شوفك، يا روحي ما اجملك
وإذا ضحكت الدّني، بيرجع الصبح يحكي عن جمالها.

حكينا وتسامرنا، وكانت سهرتنا حلوة
خبّرتا عن حالي وعن شوقي لطلّتها
كل ما اطّلعت فيها، كانت تضحك لي
وكأنّا عم تقول: ما تروح، خلينا نسهر بعد.

يا ليل خليك طويل، خليها تبقى هون،
يا قمر خبّي نورك، خليها تحكي معي

تأخر الوقت وبعدا ورا شبّاكها
صار لازم روح قبل ما يطلع الفجر
ضمتني وقالت لي: روح، انتبه على حالك
ما طّول غيبتك عني
بدي شوفَك يومية، فراقك صعب عليّ.

سكّر الليل بابو… وبقيت صورتا بعيوني،
عم تلمع متل نجمة ما بتغيب.
قلت للفجر خبّي اسما تا يضلّ يدقّ بقلبي،
وإذا اشتاقت بكرا بترجع تفتح شبّاكها.