كلمات اشوف للحزن

اشوف للحزن في وجهك علامه
و بعيونك دموع مستكنه
وليه الحزن ياظبي العدامه
دموع العين خدك جرحنه

سهير الجفن مايهنى منامه
يجر الصوت ونه عقب ونه
جريح مثلي مطعون بغرامه
يبي يخفي عيونه يفضحنه

و جيته يوم ابي افهم مرامه
ابيه يحكي ظروفه ماسعفنه
رفع راسه يبي يبدا كلامه
قبل يحكي دموعه يسبقنه

عيونه تقول يكفيني ملامه
كفا قلبي جروحه عذبنه
كفا الدنيا تعيشني بندامه
و غيري في حياته اسعدنه