كلمات ما بيسالش عليا ابدا
✍️ كلمات: فتحي قورة
🎼 ألحان: محمود الشريف
ما بيسألش عليا ابدا
ولا بتشوفه عنيا ابدا
ياما ناديته وترجيته
انه يرق شويه ابدا
ما بيسألش عليا ابدا
اول ما عنيه بصوا لي
فتنوني عليه وقالوا لي
وازاي بعد ما فرحني
بيفرح فيا عذولي
لا اقدر على بعده ابدا
ولا احبش بعده ابدا
ياما ناديته وترجيته
انه يرق شويه ابدا
ما بيسألش عليا ابدا
كان بيننا كلام وحديث
وغرام ولا في الحواديث
يتقرب قلبه عليا
وانساه لو قلبي نسيه
عمري ما حيرته ابدا
ولا احبش بعده ابدا
ياما ناديته وترجيته
انه يرق شويه ابدا
ما بيسألش عليا ابدا