كلمات فبطون الاجبال

بسطيه يا بواقين
خنتو الملح خنتو العيش
الي زيكو فسوق الرجال
ربع جنيه ما يساويش

هاتو الي منا زعلان
يخبط راسه فالحيطان
يمشي يشرب من البحر
يرتوي كنه عطشان

يملعون ابو الفلوس
الي هانت الرجال
صار النذل يعطيك دروس
والزمن عالرجل مال

استغفر الله العظيم
من هاد الوقت يناس
كسر شوكت الزعيم
ورفع قدر  الارخاص

الوقت يميل عالرجاجيل
وعلى الناس الطيبين
والدليل ان الاصيل
من الدنيا شاف الشين

انام فبطون الجبال
ومانام فبطون الرجال
حكم ابن ادم ع ابن ادم
بيهين السبع يخال

الي مش قد الرجال
يمشي ويرافق حريم
والي مرافقنا لاجل المال
لجهنم ختم التسليم

قالو عليا مغرور
ونا راضي غروري
لو غبت سنه وشهور
ديمه  ثابت حضوري

يحقنا عمره ما يضيع
والفعل يشهد لينا
رد الفعل عنا سريع
ياما العدا كوينا

خلك في مطرحك ذيب
وومتخاوي غير الرجال
الواحد دون ربعه غريب
والعزوه ما هي بالمال

ما ترافق غير الاصيل
الي ما يعرف البوق
يحارب دونك ويشيل
ويرفع مقدارك فوق

مهو كل صاحب رفيق
بعض الرفقه زي الاخوان
حتا وانطال الطريق
اتحس معه بالامان

ي ابو عيون ملونات
ذبحت قلبي بالحيل
يزينه على الزينات
جمالك مهو قليل