كلمات اتلاشوني
إتلاشوني
إحذرو تنكشوني
منحرف بعشق جنوني
طول حياتي جريء
متحاربش
بكسب ومبتغلبش
ما تحاولش ما تنتديبش
أصلي بحر غريق
جيلكو ألعبكو نزولي يرعبكو
طلبت معايا أراظيكو
هسحب مطوتي وفرد سطوتي
و غلاوة أمي لو أوريكو
فرعون منطقتي بعشق جرأتي وخصمي ما يشغلنيش
أنا شارع سد بسند وسد والخوف ما خوّفنيش
مش بكش
جايلي في أكشن ونكش
شوفتلي ما شوفتلكش
جارح أخصامي
شبح الليل
وخطر على أي عويل
أنا اسمي لوحده تقيل
ما بهبش أسامي
خلصانة بدم أنا مش مهتم وعاطي للدنيا طناش
من غير بودي جارد هتسحب فرد هسحب عليك رشاش
أنا مدمن نكش تشوفني تكش وارجع لورا لتموت
عامل عريك فكرك أتريك هلس ومسدس صوت
بحب صاحبي
الوقت الشدة جنبي
ده بأمانة يموت بسببي
وأنا أموت علشانه
شقي وزميلي
أنا لما بتوه دليلي
أنا بوفيله ويوفيلي
ومكاني مكانه
لو جيت تحلو هتلبس ملو هديك هنا على قفاك
أصل إنت يا سيدي على قد إيدي وعنيا مش شايفاك
قائد مش جندي تمامك عندي طلقة ومفيش بعديها
يتحط عليك أخصام قبليك جتلي وقطعت إديها
بعشق عينيكي
وبجد أنا روحي فيكي
أنا أموت علشان أرضيكي
حق مش كلام
متسبنيش خليكي ماتبعديش
علشان أنا جنبك بعيش أحلى الأيام
أنا بحر غريق
أنا قلبي جريء
وصايع وضايع وفلاتي
أنا أخطر حد مطروش بجد
ومش باقي على حياتي
أنا مش مضمون أنا رد سجون
يوم بره وأسبوع جوه
محسبكو شجاع
أنا مش جعجاع
أصل الجرأة أكيد حلوة