كلمات هما الاتنين

هُما الإتنين
كانو يوم ماشيين
و شافوها و هي معدية
دابو فيها يوميها
و جِريو عليها
و عايزين يعرفو مين هي

في واحِد شوقو زاد
والتاني خَدها عناد
و راحو في المعاد ولقوها تاني جاية

الأول راح يغازلها
و ورد إدالها وقال يا جميل
والتاني راح مِناديلها
وخَدْ مَنديلها وقال دا دليل

وصُحابنا إتقابلو تاني
في الشارع الورَّاني
والتاني قال عَشقَاني
ومَنديلها أكبر  دَليل

و صاحبه ساعِتها إستَغرب
و قالّو  إزاي  دا أنا أقرب
دا انا ياما سِهِرت الليل

ولَقوها تاني جاية جاية
جاية و راكبة عربية عربية
ومعاها واحد تاني و عِرفو هي مين

طِلعت صاحبِت صَاحِبهُم
و ساكنة جديد في بيتهُم
و أتاريها هي عِرفِتهُم و هُمَّا ولا عارفين

دول طلعوا مغفلين