كلمات فالصو
ثقلت على كتف الجدع ومقالش غير الحمد لله
سكت بالشهور لكن ما نساش مكانش حد معاه
عاش بطوله فكرهم جنبه وكانوا عايزين يطولوا
حب الناس بقلب أبيض والناس مشافتش غير عيوبه
شكلك نظيف مش لايق ع اللي عيشته وشوفته
الشارع حولك لكل شئ مكونتش عايزه وخوفته
رعبك خلاك تضيع كل حبايبك هنا
مين هيطمن لك وإنت خايف منك بالشكل ده؟
نظفت بشر بس الطبع غلاب يا سيدنا
كل ناس اللي خوفنا عليها من الأذي أذتنا
غلبك وراك لف التعابين كإنه حضن
رتبت حياتك عليهم رتبوك يا دوب ع الركن
حواليك كلاب شهرة مش بيحبوك غير بالأرقام
زمايلك مدمنين هيحبوك بالجرام
متبقاش منك غير حيطان كإنك بيت ع الضفة
إخواتك اللي رموك مش الذيب اللي عضك
ما تصدقهمش كله فلصو
كل دول شيوخ وفي المصلحة رقصوا
كل دول مسوخ وكله مداري نقصه
طفينا النور واللي عايزنا يحرق نفسه
ما تصدقهمش كله فلصو
كل دول شيوخ وفي المصلحة رقصوا
كل دول مسوخ وكله مداري نقصه
طفينا النور واللي عايزنا يحرق نفسه
سرقوا ضي عينيك ولاموك عشان مبقتش تشوف غير أسود
الشقاء اللي عمل منك عجوز نشف عضمك هتنكر
مش هنندب لكن لو قولنا إن احنا بخير هنكذب
مش محتاج أفضفض أنا فنان لما بزعل بكتب
الشدة غربلت صحابنا بقت مفيش
كله جلى لما اتملى وكله طار وطلع له ريش
مسير الدنيا تقلب زهر مسير إليك يبقى شيش
ما ترجعليش رهانك غلط بيننا أيام وفيش
عشت البشر كوابيس قضيت حياتي في أرق
عشت نص عمري أحبك عشت نص عمري أكرهك
ما عشتهاش غير غابة مكانش ينفع أتعب
اتحطيت في الدنيا في خانة إني لازم أبقى ثعلب
كإني بيني وبين الدنيا تار مش عايزة تحل
بتهد كل شئ عملته قصادي بكل غل
وأنا مش حمل وكل ما توقعني هقوم
يا تموتني يا أكسب يا أبقى عظيم يا إما أكون مجنون
ما تصدقهمش كله فلصو
كل دول شيوخ وفي المصلحة رقصوا
كل دول مسوخ وكله مداري نقصه
طفينا النور واللي عايزنا يحرق نفسه
ما تصدقهمش كله فلصو
كل دول شيوخ وفي المصلحة رقصوا
كل دول مسوخ وكله مداري نقصه
طفينا النور واللي عايزنا يحرق نفسه