كلمات تسافر لآخر الدنيا

تسافر لآخر الدنيا و تطلب مني ما اشتاق
تدور راحتي و انت تبي تروح و تخليني

شسوي بصورتك عندي شسوي بكل هالأوراق
إذا يغنيك عني شي فلا شي عنك يغنيني

شسوي لا وله قلبي على قلبك و صدري ضاق
شسوي إن صارت الدنيا صغيره بعدك بعيني

من أشرح له من أحكي له من أشكي له ألم الفراق
و من غيرك في هالعالم يعرف شلون يهديني

تخيل غيبتك عني تخيل حرقة الأشواق
و تعرف ليه أترجاك يدينك تبقى بيديني

حبيبي لا تخليني عذاب الوحده ما ينطاق
ذبحني الخوف من الفرقا و يا ليتك تحس فيني