كلمات كل سنه واحنا بلمتنا (احلا حاجه رمضان في حارتنا)

حصريا على موقع مهرجنات دوت كوم
ليل يا عيني يا ليلي، يا ليلي
ليل يا عيني يا ليلي، يا ليلي
ليل يا عيني يا ليلي، يا ليلي
ليل يا ليلي يا عيني يا ليل

عازف أورك يوسف أوشا

كل سنة واحنا بلمتنا ربنا ما يقطع سعادتنا
أحلى حاجة في الدنيا حارتنا كلنا لبعضنا سالكين
قبل ما المغرب بيأذن يلا نتجمع يا مسهل
بالعصير ع الناس بنقدم كله بيشارك في الخير

لما رمضان هل علينا رجعت الفرحة دي وسطينا
رد روح السعادة فينا خلانا نسينا الأحزان
هو شهر واحد في السنة خير وجاي لنا من ربنا
ييجي ما يخليش عكننة شهر فرحة في كل مكان

بعد ما فطرنا بقى وقومنا في الشارع تتلم اللمة
هو ده روتينا نظام يومنا كل يوم لعب وتنطيط
بومب مع صواريخ وبنرمي ولع السلك ويلا إرمي
بعد ما الوقت ده بيعدي بعديها نصلي التراويح

النهار ده في بيتنا عزومة والحبايب هنا ملمومة
ناس كثير عندنا معزومة ربنا يكثر عزومتنا
الكرم والخير بزيادة والوشوش مليانة بسعادة
ربنا ما يقطع لنا عادة أحلى حاجة والله لمتنا

السعادة في اللمة الحلوة ربنا يكثر لمتنا
ع الوشوش مرسومة الضحكة والسعادة موجودة بزيادة
برة للفجرية بنسهر في الحسين ننزل نتسحر
يلا بينا كلنا نتصور والوشوش مليانة سعادة

إلا بقا رمضان في حارتنا ويّ أهالينا وشلتنا
زينة مع فوانيس على بيتنا فروع زينة في كل مكان
لعب كورة وقت العصرية ضحك لعب هزار مراظية
كله فل ومية، المية مفيش حد يا ناس زعلان

إحنا لمتنا دي بالدنيا يعني مش عايزين حاجة ثانية
ربنا ما يقطع لثانية ولمتنا الحلوة تدوم
خذنا صورة كده مع بعضينا يلا حاجة للذكرى يا أخينا
ربنا بقا يديمها علينا ويّ بعض نكون على طول

بعد ما بنفطر بنتجمع كلنا ونازلين ع الملعب
ناس بتلعب ناس بتشجع أحلى حاجة دورة رمضان
بعد ما لعبنا وخلصنا طلعنا على القهوة وهيصنا
لما جيه الجون قومنا رقصنا كله كان مبسوط فرحان

صوم وصلاة ذكر وقرأن خير وبركة في كل مكان
في الشارع موائد رحمان هي دي حلاوة رمضان
البيوت بالخير مليانة والوشوش كلها فرحانة
إدعي ربك يلا معانا أصل ده شهر الغفران