كلمات مش بتاع صيف
الجو حر جدا أنا مش بتاع صيف
أنا كائن ينتعش شتا وربيع وخريف
من كتر البسترة ما بين الشمس والتكييف
جالي دور برد خطير خلاني يا ناس ضعيف
حران يا صبايا.. حران يا ناس
لا تين شوكي نافع ولا شوب عصير
بتحبوا الصيف على أي أساس
بتقضوا ازاي فيه المشاوير
يرحم أيام الشتوية
فيها رحمة أكتر بشوية
ده الصيف مخيف
ده الصيف عنيف
وانا من ويله بقول يا لطيف
نشرة أخبار الموجة الحارة
تلاتين صغرى عظمى أربعين
قوم خدلك دش كمان مرة
علشان الحقيقة الحرارة خمسين
يانا يا ضغطي يا شبابي
الصيف بيتلف أعصابي
ده الصيف مخيف
ده الصيف عنيف
وانا من ويله بقول يا لطيف
الجو حر جدا أنا مش بتاع صيف
أنا كائن ينتعش شتا وربيع وخريف
من كتر البسترة ما بين الشمس والتكييف
جالي دور برد خطير خلاني يا ناس ضعيف