كلمات دلعونة - يا ظريف الطول - وين ع رام الله
على دلعونة
ميجانا
غرد يا بلبل ع زيتون بلادنا
جِبال بلادي نادت ع جبل زيتون
و خلوا نار حب الوطن زيتون
نحنا بالارض اغصان زيتون
مننحني بس لنبوس التراب
الارض النا و البلاد بلادنا
و على دلعونة و على دلعونة
زيتون بلادي اطيب ما يكونا
على دلعونة و على دلعونة راحوا الحبايب ما ودعونا
(٢)
و راحوا تركونا و ما عادوا طلوا
لوعة ع لوعة بالقلب خلوا
صاروا العوازل فينا يتسلوا
يا لطيف الطف شو غذبونا
على دلعونة …
يا ربي يرجع محبوبي الغالي
و يطمن قلبي و يريح بالي
بغيبتكم ياما سهرنا ليالي
عودوا للوطن ياللي تحبونا
على دلعونة …
موسيقى
يا ظريف الطول وقف تقلك
رايح ع الغربة و بلادك احسنلك
خايف للمحبوب تروح و تتملك
و تعاشر الغير و تنساني انا
يا ظريف الطول …
موسيقى
يا ظريف الطول حطة و العقال
لابسها المحبوب للفرس خيال
لاغنيلك ع المحبة و الدلال
يا حبيب الروح ميل عندنا
موسيقى
يا ظريف الطول تقول القمر غاب
سلتوني بالمحبة و العذاب
كل المحبة يا اهل الله الها سبب
الا محبتكم من عند ربنا
موسيقى
وين ع رام الله وين ع رام الله
ولفي يا مسافر وين ع رام الله
ما تخاف من الله ما تخاف من الله
كويت قليبي ما تخاف من الله
وين ع رام الله …
و راجع ع بلادي راجع ع بلادي
عالارض الخضرا راجع ع بلادي
انا و ولادي انا وولادي
و الغربة مرة انا وولادي
وين ع رام الله …
بفي العريشة بفي العريشة
ياما تعلما بفي العريشة
ما بنسى العيشة ما بنسى العيشة بمنازلنا ما بنسى العيشة
وين ع رام الله