كلمات ياتي الله بالفرج
✍️ كلمات: راشد الجابري
🎼 ألحان: راشد الجابري
ما تضيق الا وتفرج
ياتي الله بالفرج
لي متى مكسوف ومحرج
بيننا ما فيه حرج
قول ما عندك حبيبي
خلني اشاركك بالاه
لا تشيل الهم وحدك واترك الباقي على الله
نقسم الهم و الاسية
بالتساوي لك ولي
لي شوية ولك شوية
لا تخبي شيء علي
بعد هذا الضيق لا بد
كل شيء يرجع لمجراه
لا تشيل الهم وحدك واترك الباقي على الله
ابتسامتك الرضية
مثل ما راحت تجي
ابتسم ولك علي
وعد تاخذ ما تبي
والذي بينك وبيني
سر بس يعلم به الله
لا تشيل الهم وحدك واترك الباقي على الله
اعاملك بطيب نية
دلني كيف ابتدي
لكن النفس الشقية
حظها دايم ردي
ليتها الا بالاماني
من تمنى شيء يلقاه
لا تشيل الهم وحدك واترك الباقي على الله