كلمات تسهر وترقد

يجيبك الشوق ولاتجيبك الحاجة
‏مصيرك إليا صفعك الوقت تذكرني
أقفيت والحزن عقبك عاود أدراجه
ولا بقى إلا قصيدي فيك يجبرني
‏قبلك سمحت وهجرت العشق وازعاجه
والشكر لله قبل الروح تشكرني
وشفتك وسلمتني قلبك ومزلاجه
‏وأصبحت تنهى على كيفك وتامرني
يجيبك الشوق، يجيبك الشوق، يجيبك الشوق

كنت أحسب إنك طبيب القلب وعلاجه
واثرك تدور على أدنى شي يكسرني
تسهر وترقد وشوقك طافي اسراجه
وأنا أتململ وطار الشوق مسهرني
يا من بكاه القصيد العذب وانتاجه
‏الله على كل طعنة منك يأجرني
حركت بحر القصيد وهاجت أمواجه
وهذا هو اللي على فرقاك صبرني
يجيبك الشوق، يجيبك الشوق، يجيبك الشوق

قصيدة من سحاب الشوق ثجاجة
منظومة من رضا الجمهور تسترني
الله عطاك القبال ولبسك تاجه
وأعطاك مما عطاني ما يكبرني
في طلتك ملح وبهرجتك ديباجة
متى على الله يجينني من يبشرني
يا آخر دروب الغلا اللي شيد سياجه
على خطى من غلاه العذب باشرني
‏يمكن مع الوقت حضي يضحك احجاجه
يجيبك الله تقول أبطيت واعذرني