كلمات غايبي

غيبة الشمس راحة بالي تغيب معها
لاسكن جو سطح الأرض وين السكينة
كل ذكرى حزينة ما أقدر أجحد وجعها
كيف أبجحد وجع ذكرى الليالي الحزينة
غايبي غيبتك قام يتزايد هلعها
وخايف من الظروف وخايف من الغبينة
بعدك النوم والراحة مخالف سنعها
وصدري اللي قبل غيبتك كأنه مدينة

راح خرم إبرة الصيني بعد ما صنعها
والمعانات مثل السلك مع ناظمينه
ضيقةٍ شرع دستور الهوى اللي شرعها
والتقاليد وسلوم السلوم المتينة
بري حالي من الفرقه ومن مجتمعها
ومن عيون العرب ومن الحسد والضغينة
يا شبه مارج إبن هادي اللي قلعها
والبراريق حامين الجنب في يمينه

سربةٍ للخطر والموت الأحمر دفعها
وكل شغموم منهم ينشد الموت وينه
عاشقك دمعة عيونه عشانك ردعها
ولو تردك تسيل بها سدود العيينه
سلعة الصبر وين ألقى مبيّع سلعها
بشتري سلعة من الصبر لو كان دينه
سالفة كان ما طاعتك الأيام طعها
ما تناسب ولا ترهم ولا هيب زينه