كلمات مرجهي Margahy

أحلي حاجه في الزمان ده
لما تبقى الدنيا قاسيه أو معانده
وانت واقف برضه وقت الشده راجل
ناس يقولوا الدنيا حرقتنا بنارها
وناس يقولوا تعبنا من ويلها ومرارها
وانت برضو زي م انت
واد أسد وحديد وراجل
مرجحي مرجحي شوطي وطوحي
أرمي ف احلامنا الي بنرسمها بقالنا زمان
نزلي دمعتى قللي فرحتي
ولا يهمك جرحي أنا متعود هاتي جرح كمان
غربينا توهينا شيلينا حمل الجبال
ما انتى ياما ورتينا واحنا لسه يادوب عيال
كنا ديما ميه ميه مهما تبقي الريح قويه
بنطلع في الآخر رجال

أيوب صبر ع الويل وع الأوجاع وسلم
الراجل اللي تهده جراح ما يبقاش معلم
تعلي فينا تنزلينا
ياما دقت من زمان ع الراس طبول
ها تفرحينا ها تجرحينا
صابرين قوي وراضيين اوي وولاد اصول
غربينا توهينا شيلينا حمل الجبال
ما انتى ياما ورتينا واحنا لسه يادوب عيال
كنا ديما ميه ميه مهما تبقي الريح قويه
بنطلع في الآخر رجال