كلمات اد السما

‎فى يوم جديد هتمنى ايه غير ضِحكتك
‎طموح بسيط ابتسامة من حضرتك
‎تنور يومي و انسى بيها كُل همومي
‎بشكُر ربي لـ كُل نِعمة، و بدعي انك تدومي
‎كُل حاجة معاكي و بيكي اكيد هتبقى احلى
‎بعدنا ياما لَكن عُمرنا ما ارتاحنا
‎مليش فـ الليل حد غيرِك احكيلُه
‎و مليش حَد غيرَك لما اتعب اشكيلُه ‎
يعنى بـ إختصار من غيرِك مفيش حياة
كُل ناقص فيكي و فيَّ انا و انتي كملناه
‎كُل حاجز بيني و بينك عن حياتنا احنا بعدناه
‎احنا كملنا عشان فضلت مصدقاك
‎مفيش دموع هتنزل منك إلا لو سعادة
‎و وعد مني مش هتبقي عايزة حاجة
‎حبيبتي الا لما هتلاقيها جنبك
‎و لو عليَّ فـ انا اصلاً قاعد على قلبك

‎بحبَك، بحبِك .. انا حبيبك و ابنك
‎هتصدقيني لو قولتلك قلبي اللي بيكتبلك
‎مصدقاك للنهاية انا وياك
‎مفيش سعادة حبيبي الا و انا معاك

‎بحبَك، بحبِك .. انا حبيبك و ابنك
‎هتصدقيني لو قولتلك قلبي اللي بيكتبلك
‎مصدقاك للنهاية انا وياك
‎مفيش سعادة حبيبي الا و انا معاك ‎

حُب.. كلمة عرِفها قلبي معاكي
‎كأنُه رافض يحب عشان بيستناكي
‎بغير عليكي، انا حبيت ملاك
‎فـ عادي يا ملاك تهون حياتي فداك
‎انا اتولدت يوم لُقاك، بـ اعلى صوت هقول عاشقاك
‎انا انسى الدُنيا عادى و انتَ مُستحيل انساك
‎جدع و رجولة عارفة اني اختارت صح ‎
عصبي لَكنُه حنين، انا بنتك و بـ كُل فخر
‎اسحبيني لـ أبعد نُقطة فـ قلبك خبيني
‎لو جيت عليكي من غير ما اقصد اشتريني
‎مجنون و فالتة مني ساعات بقول اي كلام
‎انتي الامان، انتي البنت اللي اتجمعت فيها الاحلام
‎و الله مهما هحكي ما يكفي فـ عينيكي كلام
‎اد البحر .. بحبِك
‎اد السما .. بحبِك
‎شوفي اكبر حاجة اكتر منها انا بحبِك
‎انا قلبى صخر لكن اتحفر جوايا اسمك

‎بحبَك، بحبِك .. انا حبيبك و ابنك
‎هتصدقيني لو قولتلك قلبي اللي بيكتبلك
‎مصدقاك للنهاية انا وياك
‎مفيش سعادة حبيبي الا و انا معاك ‎

‎بحبَك، بحبِك .. انا حبيبك و ابنك
‎هتصدقيني لو قولتلك قلبي اللي بيكتبلك
‎مصدقاك للنهاية انا وياك
‎مفيش سعادة حبيبي الا و انا معاك ‎